Conor McGregor með varnaðar­orð fyrir endur­komuna

McGregor mun snúa aftur í bar­daga­búrið þann 11.júlí næst­komandi í Las Vegas og berjast þar við Max Holloway í velti­vigt í UFC. McGregor, sem er þekktasta and­lit UFC frá upp­hafi og fyrr­verandi tvöfaldur meistari, mun ekki hafa barist í fimm ár þegar kemur að bar­daga hans við Holloway.

Írinn, sem hefur verið dug­legur við aðkoma sér í vand­ræði utan bar­daga­búrsins, barðist síðast gegn Dustin Poiri­er í júlí árið 2021 og fót­brotnaði í bar­daganum.

„Ég er fullur af orku nú þegar að ég held inn í krefjandi æfinga­búðir,“ sagði McGregor í færslu á sam­félags­miðlinum Insta­gram þar sem að hann þakkaði fyrir stuðninginn undan­farna daga eftir að greint hafði verið frá endur­komu hans í bar­daga­búrið.

Teymið í kringum Írann fyrir bar­dagann mikilvæga gegn Max Holloway í júlí er klárt, þjálfarar og æfingafélagar.

„Ég er þakk­látur fyrir þetta lið sem er í kringum mig. Við erum rétt stilltir inn á áskorunina fram­undan. Það er dýrðarinnar tími fram­undan í æfinga­salnum hjá okkur.“

McGregor hefur fyrir löngu síðan orðið vel ríkur af þessari iðju sinni og eftir að hafa orðið meistari í tveimur þyngdar­flokkum á sama tíma í UFC furða sig margir á því hvers vegna Írinn sækist enn og aftur eftir því að berjast í bar­daga­búrinu.

„Ég er betri en nokkru sinni áður. Tek því tækifæri fagnandi að geta enn á ný sýnt heims­byggðinni meistara­takta mína í blönduðum bar­dagaíþróttum.“