Kærður fyrir að löðrunga hundinn sinn

Lögregla hafði afskipti af manninum á gangi með hund sinn í Efra-Breiðholti eftir að hafa orðið vitni að honum slá hundinn. Maðurinn var kærður fyrir brot á lögum um velferð dýra eftir að hafa „misþyrmt“ gæludýrinu sínu, eins og segir í atvikaskrá lögreglu. 

Tegund eða stærð hundsins kemur ekki fram í atvikaskrá lögreglu. 

Jónatan Guðnason, aðalvarðstjóri á lögreglustöð þrjú sem sinnir verkefnum í Breiðholti og Kópavogi, segir lögregluna taka málinu alvarlega en gat ekki sagt til um hvort að hundurinn hafi verið tekinn af manninum.

Málið segir hann vera á borði lögreglu og það sé í nánari skoðun.