„Pólitíkusar sem tala á þennan veg: Fokk jú“

Elísabet Inga Sigurðardóttir og Agnar Már Másson skrifa 7. júní 2026 20:58

Bubbi Morthens talaði á pólitískum nótum á milli laga og sagðist vilja losna við íslensku krónuna. Vísir/Viktor Freyr

Mikið fjör var á afmælistónleikum Bubba Morthens í Laugardalshöll í gær. Uppselt var á tónleikana og tók hinn sjötugi Bubbi alla sína helstu slagara.

Þá var hann á persónulegum nótum, fékk meðal annars fjölskylduna upp á svið til sín og ítrekaði ást sína á eiginkonunni, Hrafnhildi Hafsteinsdóttur.

Hann spjallaði við tónleikagesti á milli laga og kom meðal annars inn á fegurðina sem felst í lífinu og nánu samneyti fólks.

„Kynlíf er ekki skítugt. Það er eitt það fallegasta sem til er í mannlegri náttúru,“ sagði afmælisbarnið.

Þá var Bubbi einnig á pólitískum nótum eins og hans er von og vísa. Hann var afdráttarlaus á sviðinu í gær þegar hann ræddi meðal annars Evrópusambandið. Sagðist vilja losna við krónuna og gerði stöðu ungs fólks á húsnæðismarkaði að umfjöllunarefni.

Þá lét hann stjórnmálamenn sem sækja að hinsegin fólki heyra það.

„Pólitíkusar sem tala á þennan veg: Fokk jú.“

Athugasemd ritstjórnar: Í upprunalegri útgáfu fréttarinnar sagði að Bubbi hafi látið stjórnmálamenn sem tjá sig um Evrópusambandið á ákveðinn máta heyra það. Hið rétta er að hann var að þar að ávarpa stjórnmálamenn sem sækja að hinsegin fólki.

Viktor Freyr Arnarson, ljósmyndari var á tónleikunum og fangaði nokkur augnablik.