Þjóðhátíðarsigur á Ísa­firði

Mikil þjóðhátíðarstemning var á leik Vestra og Ægis í Lengjudeildinni í dag. Vestri byrjaði leikinn af krafti og skoraði Guðmundur Arnar Svavarsson beint úr horni. Stuttu seinna bætti Vestri öðru marki við eftir slakan varnarleik hjá Ægi.

Þrátt fyrir tveggja marka forystu byrjaði Vestri að slaka aðeins á og missa boltann nálægt sínum eigin teig. Ægir refsaði fyrir það og minnkuðu muninn nánast strax aftur í eitt mark. Bæði lið náðu að koma sér í nokkur færi en boltinn náði ekki að fara aftur í netið í fyrri hálfleik. Þegar liðin gengu til búningsherbergja var Vestri yfir 2-1.

Fljótlega í seinni hálfleik bætti Vestri við öðru marki og róaðist leikurinn eftir það. Þegar leið á seinni hálfleikinn byrjaði Ægir að sækja meira og eftir góða sókn fékk Ægir víti. Þeir skora úr vítinu og eftir það fékk liðið meðbyr og sýndi vilja til að sækja stig á heimavelli.

Ægir komst í nokkur góð færi en náðu ekki að nýta þau og endaði leikurinn með sigri Vestra 3-2. Ægir hefði þurft að byrja seinni hálfleikinn af sömu ákefð og liðið endaði seinni hálfleikinn. Þetta var mikilvægur sigur fyrir Vestra sem er í harðri baráttu í miðju deildarinnar.