Viðskipti innlent

Eykur strand­veiðikvóta og gerir ver­tíðina þá „stærstu frá upp­hafi“

Kjartan Kjartansson skrifar
Smábátar í höfn við Arnarstapa á Snæfellsnesi. Myndin er úr safni.
Smábátar í höfn við Arnarstapa á Snæfellsnesi. Myndin er úr safni. Vísir/Vilhelm

Innviðaráðherra skrifaði undir reglugerð sem eykur aflaheimildir til strandveiða á þessu tímabili um 2.700 tonn. Strandveiðivertíðin er sögð verða sú allra stærsta frá upphafi með aukningunni.

Aflamarkið fer úr 10.650 í 13.350 tonn með ákvörðun Eyólfs Ármannssonar, innviðaráðherra. Í tilkynningu frá ráðuneyti hans er haft eftir honum að þar með verði strandveiðivertíðin í ár sú allra stærsta frá upphafi.

Breytingin byggist á svonefndri jöfnunarheimild sem sett var inn í lög um stjórn fiskveiða í lok apríl. Hún leyfir ráðstöfun aukins aflamarks til strandveiða til viðbótar við fyrri úthlutun á fiskveiðiári.

Sjávarútvegur Ríkisstjórn Kristrúnar Frostadóttur Strandveiðar


Mest lesið


Fleiri fréttir

Sjá meira


×

Mest lesið