Þessi 24 vilja taka við bæjar­stjórastólnum af Magnúsi

Nýr bæjarstjóri mun taka við stöðunni af Magnúsi Stefánssyni sem hefur gegnt stöðunni frá árinu 2018, þar áður hafði hann í fjögur ár gegnt stöðu bæjarstjóra í Garði. Garður og Sandgerði sameinuðust í Suðurnesjabæ árið 2018.

Í hópi umsækjenda má finna nokkra fyrrverandi þingmenn og sömuleiðis fyrrverandi sveitarstjóra.

Samfylking og Sjálfstæðisflokkur náðu saman um myndun meirihluta að loknum sveitarstjórnarkosningum í maí, en samkomulag náðist um að ráðið yrði í stöðu bæjarstjóra.

Meðal umsækjenda eru Alexandra Jóhannesdóttir, fyrrverandi bæjarstjóri á Skagaströnd, Ásmundur Friðriksson, fyrrverandi þingmaður Sjálfstæðisflokks, Einar Kristján Jónsson, fyrrverandi sveitarstjóri Skaftárhrepps, Gísli Rafn Ólafsson, fyrrverandi þingmaður Pírata, Jón Ingi Hákonarson, fyrrverandi bæjarfulltrúi Viðreisnar í Hafnarfirði, Jóhann Friðrik Friðriksson, fyrrverandi þingmaður Framsóknar, Ólafur Þór Ólafsson, fyrrverandi sveitarstjóri Tálknafjarðar, og Pétur Markan, fyrrverandi bæjarstjóri í Hveragerði.

Að neðan má sjá listann í heild sinni.

1. Agnar Júlíusson - Forstöðumaður
2. Alexandra Jóhannesdóttir – Fv. sveitar- og hafnarstjóri
3. Arna Hrönn Aradóttir - Verkefnastjóri og ráðgjafi
4. Aron Heiðar Steinsson - Deildarstjóri
5. Ásgeir Sveinsson - Verkefnastjóri
6. Ásmundur Friðriksson - Fv. alþingismaður
7. Birgir Albertsson Sanders - Blikksmiður
8. Einar Kristján Jónsson – Fv. sveitarstjóri
9. Gauti Magnússon - Viðskiptastjóri
10. Gísli Kr. Björnsson - Lögmaður
11. Gísli Rafn Ólafsson – Fv. framkvæmdastjóri
12. Hannes Lúðvíksson - Ritari
13. Hilmar Vilberg Gylfason - Lögfræðingur
14. Jóhann Friðrik Friðriksson - Ráðgjafi
15. Jón Ingi Hákonarson - Ráðgjafi
16. Kristinn Óskarsson – Stjórnendaþjálfari og ráðgjafi
17. Maríanna Hugrún Helgadóttir – Fv. framkvæmdastjóri
18. Ólafur Þór Ólafsson – Fv. sveitarstjóri
19. Pétur G. Markan – Fv. bæjarstjóri
20. Sigurður Jóhannesson - Sérfræðingur
21. Snorri Leo Gabríelsson - Þjónn
22. Súsanna Björg Fróðadóttir - Lögmaður
23. Syed Anisuddin - Öryggisvörður
24. Þorsteinn Þorsteinsson - Ritstjóri