Að­dáandi veitti keðju­verkandi inn­blástur

Fyrsta ár Lewis Hamilton hjá Ferrari var erfitt en eitthvað virðist hafa breyst hjá honum fyrir nokkrum vikum. Aðdáandi kallaði til hans „mundu hver þú ert“ (e. „remember who you are“) og þá virðist hugarfar ökuþórsins hafa breyst.

Stuttu seinna náði Hamilton að vinna sinn fyrsta kappakstur í tvö ár og þann fyrsta með Ferrari. Þá talaði hann um að þessi setning hafi setið í honum og gefið honum trú á að hann gæti unnið.

Brasilíski fótboltaleikmaðurinn Neymar kom inn á í leik Brasilíu gegn Skotlandi á heimsmeistaramótinu í fótbolta. Hann er búinn að glíma við mikil meiðsli og bakslög og var því stór stund að fá að koma inn á. Mikil fagnaðarlæti brutust út í Miami þegar Neymar kom loks inn á en eftir leikinn deildi Neymar færslu á Instagram þar sem hann notaði sömu setningu og Hamilton.

Nú á Wimbledon risamótinu í tennis vann Coco Gauff, sem er sjöunda á heimslistanum, Solana Sierra í annarri umferð. Leikurinn var mjög jafn og réðust úrslitin á aðeins þrem stigum. Í viðtali eftir leikinn deildi Gauff frá því að þjálfari hennar hafi sagt henni að muna hver hún væri. Setning Hamilton hefur því dreifst frá fótboltanum yfir í tennis.