Ó­á­byrgt að láta leik­menn spila á hættu­legum velli

Þessi mál voru meðal þess sem rætt var um í Besta sætinu í dag en hægt er að hlusta á nýjasta þáttinn hér að neðan sem og í helstu hlaðvarpsveitum.

Sölvi Geir Ottesen, þjálfari Víkings, var reiður þrátt fyrir sigurinn gegn ungversku meisturunum í ETO því markahrókurinn Elías Már Ómarsson meiddist í leiknum. Hafi hann slitið krossband í hné er ljóst að hann spilar ekki meira með Víkingi á þessari leiktíð sem yrði gríðarlegt áfall, enda Elías á réttri leið með að slá markametið í Bestu deildinni.

Í Besta sætinu veltu menn því þó fyrir sér hvort að ekki hefði fyrr mátt lýsa opinberlega yfir slæmu ástandi Víkingsvallar, og setja þrýsting á breytingar, enda áábyrgt að láta leikmenn spila á velli sem samkvæmt Sölva er hreinlega hættulegur.

Samsæriskenningar þess efnis að verið sé að greiða leið Lionels Messi að heimsmeistaratitlinum, sem til að mynda hafa náð inn á RÚV, voru einnig ræddar í þættinum og farið yfir annað af því helsta á HM, þar sem 8-liða úrslitin eru núna klár. Bannið sem aflétt var af Folarin Balogun var enn til umræðu enda enn óljóst hvort eða hvaða afleiðingar það mál mun hafa.

Þá er Hlynur Freyr Karlsson orðinn leikmaður Breiðabliks og fleira í pípunum í Bestu deildinni en hægt er að hlusta á Besta sætið í spilaranum hér að ofan.