Handbolti

Landsliðsfólk trúlofar sig: „Ekki flókið já“

Óskar Ófeigur Jónsson skrifar
Alexandra Líf Arnarsdóttir sýnir trúlofunarhringinn sem hún fékk frá Orra Frey Þorkelssyni.
Alexandra Líf Arnarsdóttir sýnir trúlofunarhringinn sem hún fékk frá Orra Frey Þorkelssyni. @alexandralif

Handboltaparið Orri Freyr Þorkelsson og Alexandra Líf Arnarsdóttir gleyma þessu sumri ekki svo glatt en þau sögðu frá miklum gleðifréttum í dag.

Orri Freyr bað hennar og hún sagði já eða eins og hún orðaði það á Instagram: „Ekki flókið já“

Ef marka má merkingu á myndbandinu eru þau nú stödd í Mónakó í sumarfríi sínu.

Orri Freyr spilar með Sporting í Portúgal og er lykilmaður í íslenska landsliðinu en Alexandra Líf hefur spilað hér heima með Haukum og hefur einnig verið í íslenska landsliðinu.

Bæði fóru þau á stórmót með íslensku landsliðunum síðasta vetur, Orri hjálpaði karlalandsliðinu að komast í undanúrslit á EM en Alexandra Líf var með á HM kvenna í Þýskalandi.

Landslið karla í handbolta Landslið kvenna í handbolta

Mest lesið


Fleiri fréttir

Sjá meira


×

Mest lesið