Evrópa hefur tekið yfir tennis karlamegin

Spánverjinn Carlos Alcaraz hafði áður unnið Opna ástralska mótið og Þjóðverjinn Alexander Zverev hafði unnið Opna franska meistaramótið.

Evrópa hefur algjörlega tekið yfir karlatennisinn því það þarf að fara allt til ársins 2009 til að finna tímabil þar sem tenniskarl utan Evrópu hefur unnið risamót.

Þá vann Argentínumaðuirnn Juan Martín del Potro Opna bandaríska meistaramótið eftir sigur á Svisslendingnum Roger Federer í úrslitaleiknum.

Það er eina risamótið frá árinu 2004 þar sem tenniskarl utan Evrópu hefur fagnað sigri.

Það þarf að fara 23 ár aftur í tímann til að finna bandarískan karlsigurvegara á risamóti. Tímabilið 2003 vann Andre Agassi Opna ástralska mótið og landi hans Andy Roddick vann Opna bandaríska meistaramótið.

Evrópskir karltennisspilarar hafa unnið 87 af 88 síðustu risamótum frá og með árinu 2004 eins og sést hér vel hér fyrir neðan.

Síðasta risamót ársins er Opna bandaríska meistaramótið í lok ágúst og þá verður fróðlegt að sjá hvort Evrópumenn herði enn takið. Evrópumenn eru í efstu þremur sætunum á heimslistanum en það eru fjórir tenniskarlar utan Evrópu á topp tíu en það eru Kanadamaðurinn Felix Auger-Aliassime, Ástralinn Alex de Minaur og Bandaríkjamennirnir Ben Shelton og Taylor Fritz. Hvort þeim eða einhverjum öðrum takist að enda sigurgöngu Evrópumanna verður að koma í ljós.