Fór á kostum í vítakeppninni og ekki síður í fögnuðinum

Þessi 21 árs markvörður varði þrjár vítaspyrnur frá Fylkismönnum í vítakeppninni en í öll þrjú skiptin var um frábærar markvörslur að ræða.

Arnar Daði hjálpaði Aftureldingu að vinna sér sæti í Bestu-deildinni sumarið 2024 en fékk aðeins að spila einn leik í Bestu-deildinni í fyrra.

Nú er hann aðalmarkvörður liðsins á ný og liðið er á toppi Lengjudeildarinnar og komið í bikarúrslitaleik á móti Blikum á Laugardalsvellinum.

Hér fyrir neðan má sjá Arnar Daða verja síðasta vítið sem tryggði sigurinn og fara svo algjörlega á kostum í fögnuðinum á eftir.

Arnar Daði hljóp beint upp í stúku en Mosfellingar fjölmenntu á leikinn og studdu sitt lið. Það er óhætt að segja að vel hafi verið tekið á móti hetjunni þegar hann hoppaði upp í stúku.