Stukku fram af Geimnálinni

AP fréttaveitan hefur eftir lögreglunni að mennirnir hafi borgað fyrir skoðunarferð á toppi Geimnálarinnar. Þar er útsýnispallur með háum glerveggjum.

Mennirnir fóru á klósettið og komu þaðan út skömmu síðar með fallhlífar og hjálma. Þeim tókst að klifra yfir vegginn og stukku síðan fram af byggingunni. Báðir virðast hafa komið óskaddaðir frá athæfinu en ekki er búið að bera kennsl á þá enn.

Það að stökkva af háum byggingum, klettum og öðru með fallhlíf kallast BASE-stökk og er það álitið jaðaríþrótt.