Með áfallastreituröskun eftir hópárás á Austur­velli

Í ákæru, sem fréttastofa hefur undir höndum, er þessi eini sagður hafa ráðist á mann með því að slá hann með krepptum hnefa í höfuðið.

Svo virðist sem brotaþoli síðari árásarinnar hafi ætlað að koma manninum, sem varð fyrir fyrri árásinni, til aðstoðar, en þá hafi mennirnir sjö ráðist á hann.

Sjömenningunum er gefið að sök að hafa slegið brotaþolann nokkur högg í höfuð og búk, sparkað tvívegis í afturhluta hans, og taka hann hálstaki. Hann hafi svo fallið í jörðina og þá hafi þessir sjö slegið og sparkað endurtekið í hann meðan hann lá í jörðinni.

Fyrir vikið hlaut hann ýmsa áverka á líkama, sem og áfallastreituröskun.

Maðurinn sem varð fyrir fyrri árásinni mun á einhverjum tímapunkti hafa reynt að stöðva þá síðari, en þá hafi sá sem réðst fyrst á hann aftur ráðist á hann. Sá hlaut ýmsa áverka á höfði og andliti.

Þess er krafist fyrir hönd mannsins sem varð fyrir fyrstu og þriðju árásinni, af hálfu eins og sama mannsins, að honum verði dæmdar 700 þúsund krónur í miskabætur.

Fyrir hönd þess sem varð fyrir annarri árásinni, af hálfu sjö, er þess krafist að honum verði dæmdar 2,5 milljónir króna í miskabætur.

Héraðssaksóknari höfðar málið sem verður tekið fyrir í Héraðsdómi Reykjavíkur.