Írönum hótað hefndum eftir á­rás á her­stöð Banda­ríkjanna

Bandaríkjastjórn hefur varað við því að frekari árásir af hálfu Íran, hvort sem um er að ræða á bandaríska hernaðarinnviði eða orkuinnviði í Sádi Arabíu, muni kalla á hernaðarviðbragð.

Bandaríkin og Sádi Arabía hafa sakað bardagasveitir í Írak um að hafa staðið fyrir árásum á orkuinnviði Sáda síðustu daga. Regnhlífasamtök bardagasveitanna hafa neitað þessu og vísa sökinni á Húta. Ali al-Zaidi, forsætisráðherra Írak, hefur engu að síður fyrirskipað rannsókn á málinu og segir óásættanlegt að landið sé notað til að ráðast á nágrannaríki.

Hlé varð á átökum um helgina en þau virðast nú við það að brjótast út á ný. 

Íranir greindu einnig frá því í morgun að þeir hefðu skotið á þrjú olíuflutningaskip á Hormússundi. Olíuverð hækkaði í kjölfarið og stendur nú í 88 dölum á tunnu.

Benjamin Netanyahu, forsætisráðherra Ísrael, átti fund með Donald Trump Bandaríkjaforseta í Hvíta húsinu í gær. Honum var lýst sem „jákvæðum og uppbyggilegum“.