Daníel Leó til dönsku meistaranna

AGF hefur reynt að festa kaup á landsliðsmanninum síðustu daga en hann hefur verið meðal betri varnarmanna dönsku úrvalsdeildarinnar með Sönderjyske undanfarin ár. Tipsbladet í Danmörku greinir frá því að kaupverðið nemi um einni milljón evra eftir að tilboði upp á hálfa milljón hafi verið hafnað.

AGF lagði því mikið á sig til að festa kaup á íslenska landsliðsmanninum sem skrifar undir þriggja ára samning. Fyrir eru þeir Mikael Neville Anderson og Tómas Óli Kristjánsson á mála hjá félaginu.

AGF vann danska meistaratitilinn síðasta vor en hefur farið illa af stað á yfirstandandi leiktíð og er aðeins með þrjú stig eftir sex leiki í kjölfar taps fyrir Midtjylland í Íslendingaslag í gær.

Daníel Leó hefur verið fastamaður í íslenska landsliðinu síðustu ár og hefur spilað 31 landsleik.