Ómar marka­hæstur í öruggum sigri

Magdeburg náði forystunni snemma leiks og hélt henni allt til loka í heldur óspennandi leik við Erlangen í dag.

Landsliðsmaðurinn Ómar Ingi Magnússon er kominn á fullt eftir meiðsli sem hrjáðu hann í byrjun hausts og hann skoraði níu mörk fyrir Magdeburg í 35-28 sigri í dag. Hann var markahæstur á vellinum en vinstri skyttan Felix Claar skoraði sjö mörk fyrir Magdeburg.

Gísli Þorgeir Kristjánsson skoraðiu þrjú mörk og lagði upp fimm.

Magdeburg er á toppi þýsku deildarinnar með 14 stig af 16 mögulegum eftir átta leiki. Flensburg á þó leik inni og er með 13 stig og getur því hirt toppsætið með sigri.