Dag­skráin í dag: Grinda­vík og KR mætast aftur

Tveir leikir eru á dagskrá í kvöld í Bónus-deild karla. Njarðvík tekur á móti Tindastól og má búast við gríðarlega sterkum leik ef marka má hvernig fyrsta umferðin byrjaði í gær. Leikurinn er sýndur á Sýn Sport Ísland 2 klukkan 18:50.

Grindavík og KR eru nýbúin að mætast í Meistarakeppni KKÍ þar sem Íslandsmeistararnir mæta bikarmeisturunum. KR hafði betur í þeim leik og eru Grindvíkingarnir í hefndarhug eftir tapið. Leikurinn er sýndur á Sýn Sport Ísland klukkan 19:15. 

Þegar leikurinn er búinn hefst Bónus körfuboltakvöld sem ætlar að fara yfir allt það helsta sem gerðist í fyrstu umferðinni. Þátturinn fer í loftið klukkan 21:25 á Sýn Sport Ísland.

Annar hringur Opna spænska mótsins á DP World-mótaröðinni hefur göngu sína í dag. Útsending frá mótinu hefst klukkan 12:00 á Sýn Sport 4.

Farið er að síga á seinni hlutann í heimsmeistaramótinu í Formúlu 1 og mun keppnin vera um helgina í Singapúr. Um helgina er sprettkeppni sem þýðir að aðeins ein æfing er fyrir keppnina. Á Sýn Sport Viaplay hefjast fyrstu æfingar klukkan 08:25 og svo tekur tímatakan fyrir sprettkeppnina við klukkan 12:25.