Býður við skrifunum: „Ég er Satan“

Kimi Antonelli leiðir stigakeppni Formúlu 1 með nokkuð góðu forskoti nú þegar að keppnishelgi Formúlu 1 í Singapúr fer fram.

Liðsfélagi hans hjá Mercedes, George Russell, er með 86 stigum minna og hefur lent í alls konar veseni á undanförnum keppnishelgum.

Borið hefur á þeirri umræðu að Antonelli sé í meira uppáhaldi hjá forráðamönnum Mercedes og var það borið undir liðsstjórann Toto Wolff á fjölmiðlahittingi í Singapúr.

Wolff segir umræðuna algjört kjaftæði

„Við höfum lent í svona umræðu áður þegar að Lewis Hamilton keppti undir merkjum Mercedes. Ég í raun skil ekki hvað er í gangi. Telur fólk að ég sé með hnapp sem ég geti ýtt á og valdið vélarbilun hjá Russell?“

Á samfélagsmiðlum geti svona umræða fengið að grassera.

„Fólk felur sig á bakvið skjáinn og lætur vaða.“

Russell hefur verið viðloðandi starfið hjá Mercedes frá því hann var sautján ára gamall.

„Ég les stundum það sem fólk skrifar og finnst það hlægilegt. Þetta fólk sér mér fyrir mikilli skemmtun með því að segja ljóta hluti um mig eða liðið. Ég er víst Satan. Það hef ég heyrt.“