Náðu fljótt góðum tökum á aðstæðum
Allt tiltækt slökkvilið á höfuðborgarsvæðinu var kallað út á öðrum tímanum í dag vegna elds sem kom upp í iðnaðarhúsnæði að Brekkutröð í Hafnarfirði. Stefán Már Kristinsson varðstjóri hjá slökkviliðinu á höfuðborgarsvæðinu segir að mikill eldur hafi logað út um stórar innkeyrsludyr þegar slökkvilið bar að garði, en lán hafi verið að engum varð meint af.
