stillingar fyrir texta, opnar stillingaglugga fyrir texta
textar af, valið
This is a modal window.
Upphaf samræðuglugga. Escape mun hætta við og loka glugganum.
Endir samræðuglugga.
Meistaradeildin í hestaíþróttum - A-úrslit
Hart var barist í keppni í tölti í Meistaradeildinni í hestaíþróttum í gærkvöldi. Hver glæsisýningin rak aðra en Árni Björn Pálsson á mikilli getuhryssu, Skímu frá Kvistum, átti kvöldið og stóð uppi sem sigurvegari. Hann sagði að keppni lokinni að sigurinn hefði verið óvæntur, en Árni Björn er margfaldur íslandsmeistari í tölti, snjall og fjölhæfur knapi. Hulda Gústafsdóttir veitti honum harða samkeppni, tefldi fram hinum föngulega töltara Kiljan frá Holtsmúla, en þau fóru Krísuvíkurleiðina á pall, tóku hástökkið, unnu B-úrslitin og fóru alla leið í annað sætið. Þá var það hinn ungi Ragnar Tómasson, sem sýndi Sleipni frá Árnanesi af krafti, sem hafnaði í þriðja sæti. Bein útsending var frá Meistaradeildinni á Stöð 2 Sport og má sjá brot af A-úrslitum á meðfylgjandi myndskeiði.
