Fréttamaður

Elín Margrét Böðvarsdóttir

Elín Margrét er fréttamaður á fréttastofu Sýnar.

Nýjustu greinar eftir höfund

„Málþófsflokkarnir“ séu mættir „í fullum skrúða með leik­rit og skuespil“

Þingmenn stjórnarandstöðunnar lögðu til að þriðju umræðu um frumvarp dómsmálaráðherra um afturköllun alþjóðlegrar verndar yrði flýtt á Alþingi í dag. Með þessu sögðust þingmenn vilja „leggja fram hjálparhönd“ til dómsmálaráðherra til að unnt væri að afgreiða málið, en stjórnarþingmenn sökuðu stjórnarandstöðuna um að fara með leikþátt. Tillagan var felld með 29 atkvæðum þingmanna stjórnarflokkanna gegn 19 atkvæðum stjórnarandstöðunnar.

„Farið að líkjast vöruúrvalinu í sovéskri kjör­búð“

Nú þegar sjö flokkar hafa kynnt oddvita sína í Reykjavík fyrir komandi borgarstjórnarkosningar vekur athygli að þar af eru fimm sem hafa með einum eða öðrum hætti tekið þátt í starfi Sjálfstæðisflokksins. Oddvitarnir hafa tekið misvirkan þátt í starfi Sjálfstæðisflokksins áður en þeir tóku oddvitasæti fyrir aðra flokka í Reykjavík, en þetta hefur vakið athygli netverja sem hafa tjáð sig um þessa forvitnilegu staðreynd á samfélagsmiðlum.

Nálgumst 400 þúsund og um á­tján prósent í­búa eru er­lendir ríkis­borgarar

Í lok árs 2025 voru íbúar á Íslandi orðnir 394.530 og vantar þannig rétt um 5.500 íbúa til að íbúafjöldi nái 400 þúsund samkvæmt nýjustu mannfjöldatölum Hagstofunnar. Íbúum fjölgaði um 1.370 á fjórða ársfjórðungi síðasta árs en erlendir ríkisborgarar eru 17,8% af heildarmannfjölda á Íslandi, eða 70.420.

Hin 25 ára Silja Sól­ey odd­viti Sósíal­ista í Reykja­vík

Sósíalistafélag Reykjavíkur hefur tilkynnt um hverjir verma efstu tíu sæti á lista Sósíalista í Reykjavík í komandi borgarstjórnarkosningum. Oddviti flokksins er hin 25 ára gamla Silja Sóley Birgisdóttir, stuðningsfulltrúi. Líkt og kunnugt er hyggst sitjand oddviti Sósíalista í Reykjavík bjóða fram undir formerkjum annars lista, Vors til vinstri í komandi kosningum. 

Hættir í Sam­fylkingunni og gengur til liðs við nýjan flokk fyrir kosningar

Kolbrún Magnúsdóttir, varabæjarfulltrúi Samfylkingarinnar í Hafnarfirði og fulltrúi í fræðsluráði bæjarins, hefur sagt skilið við flokkinn og hyggst færa sig yfir í Framsókn og bjóða sig fram fyrir flokkinn í komandi sveitarstjórnarkosningum. Kolbrún segist hafa eftir vandlega íhugun komist að þeirri niðurstöðu að hún finni meiri samhljóm með áherslum Framsóknar í Hafnarfirði.

Eyddi öllu út beint eftir Ofurskálina

Aðeins nokkrum klukkustundum eftir að hafa troðið upp í hálfleik Ofurskálarinnar á sunnudaginn virðist Benito Antonio Martínez Ocasio, betur þekktur sem Bad Bunny, hafa eytt öllum myndum og myndböndum af Instagram-reikningi sínum. Það eina sem stendur eftir er vefslóð sem vísar á nýjustu plötu tónlistarmannsins og þá hefur hann einnig eytt forsíðumynd sinni af samfélagsmiðlinum X.

Skora á borgina að virða íbúalýðræði og koma í veg fyrir „þrá­látar deilur“

Hópur íbúa í hverfi 108 í Reykjavík hafa sent frá sér yfirlýsingu í kjölfar íbúafundar sem haldinn var í síðustu viku vegna fyrirhugaðar opnunar kaffistofu Samhjálpar við Grensásveg þar sem þess er krafist að borgaryfirvöld finni starfseminni aðra og meira viðeigandi staðsetningu. Um tvö hundruð manns hafi mætt á fundinn og það hafi verið augljós skoðun íbúa á fundinum að staðsetningin sé óheppileg. Því sé skorað á Reykjavíkurborg að „virða íbúalýðræði og koma í veg fyrir þrálátar deilur í framtíðinni,“ eins og það er orðað í yfirlýsingunni.

Ó­víst hversu mörg börn sækja ekki skóla þrátt fyrir skóla­skyldu

Mennta- og barnamálaráðuneytið hefur ekki upplýsingar um hversu mörg börn á Íslandi sækja ekki skóla, þrátt fyrir skólaskyldu í landinu. Ráðuneytið safnar ekki upplýsingum frá sveitarfélögum um skólasókn barna með kerfisbundnum hætti en miðlægum nemendagrunni verður ætlað að veita ráðuneytinu heildarsýn yfir stöðu mála og hægt verði að nýta gögn þaðan til að bæta gæði skólastarfs, þjónustu, stefnumótun og forgangsröðun stjórnvalda í skólamálum.

Aug­lýsingarnar súrari og skrýtnari en húmorinn í fyrir­rúmi

Ofurskálin virðist festa sig betur í sessi sem íþrótta- og menningarviðburður hér á landi með hverju árinu sem líður. Almannatengill segir auglýsingarnar í kringum viðburðinn, sem verði súrari með hverju árinu, geta sagt okkur ýmislegt um tíðarandann hverju sinni.

Svona var hálfleiksatriði Bad Bunny: „Guð blessi Ameríku“

Það ríkti mikil eftirvænting fyrir hálfleikssýningu Ofurskálarinnar þar sem stórstjarnan Bad Bunny frá Púertó Ríkó var aðalnúmerið. Venju samkvæmt var öllu tjaldað til en Lady Gaga og Ricky Martin komu meðal annars einnig við sögu.

Sjá meira

Mest lesið