Íslenska karlasveitin setti nýtt landsmet í 4x50 metra fjórsundi á HM í 25 metra laug í Windsor í Kanada í dag.
Þetta er annað metið sem karlasveitin setur á HM en í gær settu strákarnir landsmet í 4x50 metra skriðsundi.
Íslenska sveitin synti á 1:38,66 mínútum í dag og lenti í 11. sæti. Til þess að komast í úrslitariðil þurfti að synda undir 1:35,02 mínútum.
Íslensku sveitina skipa Kristinn Þórarinsson (baksund), Viktor Máni Vilbergsson (bringusund), Davíð Hildiberg Aðalsteinsson (flugsund) og Aron Örn Stefánsson (skriðsund).
Jóhanna Gerða Gústafsdóttir, úr Ægi, komst ekki í úrslit í 200 metra fjórsundi.
Jóhanna synti á 2:15,78 mínútum og lenti í 24. sæti. Synda þurfti á 2:08,84 mínútum til að komast í úrslit.
Strákarnir settu annað landsmet á jafn mörgum dögum | Jóhanna Gerða komst ekki í úrslit
Tengdar fréttir
Settu landsmet og náðu þrettánda sætinu | Eygló komst ekki áfram
Íslenska boðssundssveitin stóð sig vel í 4 x 50 meta boðsundi á HM 25 metra laug í Windsor í Kanada. Eygló Ósk Gústafsdóttir komst ekki í undanúrslitin í 50 metra baksundi.
