Innlent

Síðasti kvöldfréttatími Sýnar

Síðasti kvöldfréttatími Sýnar hefst klukkan 18:30 í kvöld. Líkt og ávallt er um stútfullan fréttatíma að ræða. Við rifjum upp góð augnablik í tæplega fjörutíu ára sögu kvöldfrétta og verðum í beinni útsendingu um allan bæ.

Innlent

Líka slæmar fréttir fyrir Rúv

Fréttastjóri Ríkisútvarpsins segir það einnig slæm tíðindi fyrir Rúv að missa þá samkeppni og samanburð sem hverfur þegar Sýn hættir með sínar sjónvarpsfréttir. Frá og með morgundeginum verður ríkisrekni fjölmiðillinn sá eini sem sendir út fréttatíma í sjónvarpi.

Innlent

Á morgun mega hommar gefa blóð

Á morgun mega allir óháð kyni eða kynhneigð gefa blóð þegar ný reglugerð heilbrigðisráðherra tekur gildi. Sérstök skimun var innleidd hjá Blóðbankanum sem hafði gefið góða raun.

Innlent

Tekjuáætlun veru­lega undir á­ætlun

Tekjuáætlun Laugardalslaugar, Sundhallar Reykjavíkur og Vesturbæjarlaugar er tæpum fjörutíu milljónum króna undir áætlun. Afar mikil aðsókn er í eina laugina en illa gengur hjá hinum tveimur. Mögulega þarf að skerða enn meira aðgengi að Laugardalslaug.

Innlent

„Þetta mun auka enn á vald Ríkis­út­varpsins“

Utanríkisráðherra þykir afleitt að síðasti kvöldfréttatími Sýnar verði sýndur í kvöld. Dapurlegt sé að fjölmiðlaumhverfi verði þrengra en áður þekktist. Formaður Miðflokksins hefur áhyggjur af því að vald Ríkisútvarpsins á fjölmiðlamarkaði aukist enn við breytingarnar.

Innlent

Metfjöldi kvartana

Metfjöldi kvartana barst umboðsmanni Alþingis árið 2025 og fjölgaði þeim um 12,5 prósent á milli ára. Það stefnir allt í að annað met verði sett á þessu ári.

Innlent

Ekkert á­kveðið á fundinum: „Það væru frá­leit við­brögð við þessari niður­stöðu“

Utanríkisráðherra segir að ekkert hafi verið á ákveðið á fundi utanríkismálanefndar, sem boðað var til í morgun. Til umræðu var hvort draga ætti umsókn Íslands að Evrópusambandinu formlega til baka og bókun 35. Formaður Miðflokksins segir að það væri með ólíkindum ef bókunin yrði keyrð í gegnum þingið í kjölfar afgerandi niðurstöðu þjóðaratkvæðagreiðslunnar um helgina.

Innlent

Reiðar­slag fyrir frétta­flutning á Ís­landi

Viðbrögðin við ákvörðun stjórnar Sýnar að hætta útsendingum kvöldfrétta Sýnar og áður Stöðvar 2 hafa verið blendin. Flestir sem tjá sig lýsa yfir dapurleika vegna þessarar niðurstöðu og óttast að ríkið sé nú eitt um að flytja fólki sjónvarpsfréttir – teljist ekki góðar tvíbökur.

Innlent

Gjald­taka um nýjan Hornafjarðarveg hefst á morgun

Gjaldtaka um nýjan hringveg um Hornafjörð hefst á morgun, 1. september. Nýr Hringvegur (1) um Hornafjörð var opnaður fyrir umferð í júní. Í tilkynningu frá Vegagerðinni kemur fram að veggjöld standi undir hluta kostnaðar við framkvæmdina, rekstur og viðhald vegarins.

Innlent

Trausti nýr starfs­maður þing­flokks Mið­flokksins

Trausti Örn Þórðarson er nýr starfsmaður þingflokks hjá Miðflokknum. Hann kemur til flokksins frá Útlendingastofnun þar sem hann hefur starfað síðustu þrjú ár. Í tilkynningu kemur fram að hann muni sinna daglegum störfum þingflokks.

Innlent

Ekki sé lýð­ræðis­legt að halda for­manni Eflingar í myrkrinu

Sólveig Anna Jónsdóttir formaður Eflingar segir undarlegt að hún sé ekki partur af samtali stjórnvalda, atvinnurekenda og verkalýðsforystu um viðbrögð við verðbólgu og brostnum forsendum kjarasamninga. Það séu ekki lýðræðisleg vinnubrögð að halda henni utan samtalsins og hún vonist til þess að vera tekin inn í það samtal í vikunni áður en mögulegar aðgerðir verði kynntar.

Innlent

Sýna þjóðinni þá lágmarksvirðingu að hætta að snúa út úr

Formaður Sjálfstæðisflokksins segir Valkyrjur hafa tapað kosningunum sem fram fóru í gær, þær séu ekki með nokkru móti sigurvegarar. Hún segir kosningabaráttu SJÁ hafa verið á skjön við það sem forsætisráðherra hefur áður sagt í þinginu. Sú síðarnefnda biðlar til stjórnarandstöðunnar að sýna þjóðinni þá lágmarksvirðingu að hætta að snúa út úr um hvað málið snúist.

Innlent

Skoraði á Sig­mund Davíð að flytja bókun 35

Þorgerður Katrín Gunnarsdóttir utanríkisráðherra skoraði á Sigmund Davíð Gunnlaugsson, formann Miðflokksins, að gerast fyrsti flutningsmaður frumvarps um bókun 35 við EES-samningsins. Sigmundur tók ekki vel í hugmyndina.

Innlent

Grinda­vík Ultra strandaði við varnargarðana

Fyrirhugað utanvegahlaup um Grindavík og nýja hraunið sem fara átti fram um næstu helgi hefur verið aflýst eftir að skipuleggjendum var gert ljóst að ekki mætti hlaupa eftir varnargörðunum við bæinn. Skipuleggjandi hlaupsins segir málið hafa strandað á óvissu um hver fari með eignarhald varnargarðanna og segir niðurstöðuna einkar svekkjandi.

Innlent

Hafi skynjað um nokkra hríð að já-hliðin væri ekki í sókn

Össur Skarphéðinsson, fyrrverandi þingmaður og ráðherra Samfylkingarinnar, segir að sjálfur hefði hann ekki flýtt þjóðaratkvæðagreiðslunni um áframhaldandi viðræður við Evrópusambandið. Hann segir ESB líklega enn vilja Ísland inn og telur ólíklegt að þau láti Ísland finna fyrir því fyrir að hafna sambandinu í gær. 

Innlent

Mesta kjör­sókn í sögu lýð­veldisins

Kjörsókn í þjóðaratkvæðagreiðslunni í gær var 82,6 prósent. Það er mesta þátttaka í þjóðaratkvæðagreiðslu í sögu lýðveldisins. Aðeins í atkvæðagreiðslunni um lýðveldisstofnunina sjálfa var þátttakan meiri en þá kusu rúm 98 prósent þjóðarinnar.

Innlent

Piparúða beitt við hand­töku í Hafnar­firði

Í það minnsta fjórir gistu í fangageymslu Lögreglunnar á höfuðborgarsvæðinu í dag en mestur erill var hjá fulltrúum á stöð 2, sem sinnir verkefnum í Hafnarfirði, Garðabæ og á Álftanesi. Þar var meðal annars maður sem reyndi að flýja brott af vettvangi og atvikaðist atburðarrásin þannig að lögregla beitti piparúða við handtökuna.

Innlent

„Stór­kost­legur ó­sigur“ bæði Sam­fylkingar og Við­reisnar

Niðurstaða þjóðaratkvæðisins hefur verið til umfjöllunar á evrópskum miðlum í dag. Heilt yfir eru miðlar sammála um helstu deiluatriði kosningabaráttunnar þar sem já-hliðin tali um kjör almennings á meðan nei-hliðin tefli fram fullveldisrökum og sjávarútvegsmálum. Einhverjir miðlar segja að Ísland hafi með þessu „loka dyrunum“ og aðrir segja niðurstöðuna vonbrigði eða jafnvel bakslag fyrir ESB.

Innlent

Lög­reglan í Vest­manna­eyjum óskar eftir vitnum

Tvö mismunandi atvik þar sem keyrt var utan í ökutæki og stungið af hafa átt sér stað fyrir utan sama húsið í Vestmannaeyjum en lögregla þar óskar eftir vitnum. Í bæði skiptin, sem voru í ágústmánuði, varð utaníkeyrslan til þess að hliðarspegill brotnaði af.

Innlent

Nei-hliðin vann á ást­ríðunni

Stjórnmálafræðingur segir að niðurstöðu kosninganna megi skýra af því að já-hliðin hafi einblínt um of á tæknilegar útfærslur á meðan ástríða hafi fengið að ríkja nei-megin. Þjóðernisíhaldssemi var áberandi í kosningabaráttunni og útilokað þykir að niðurstaðan leiði til afsagnar ríkisstjórnarinnar.

Innlent

Mest lesið