Kaupmáttur hefur aukist um 1,5%

Kaupmáttur launa hefur hækkað um 1,5% síðastliðna tólf mánuði og er þetta sama meðaltalshækkun og í júlí að samkvæmt greiningardeild Landsbankans. Í morgun birti Hagstofan launavísitölu fyrir ágúst og hækkaði hún um 0,2% frá fyrri mánuði. Síðustu tólf mánuði hefur vísitalan hækkað um 5,2% en á sama tímabili hækkaði vísitala neysluverðs um 3,7%. Hækkun húsnæðisverðs skýrir 0,97% af hækkun vísitölu neysluverðs á tímabilinu, samkvæmt Landsbankanum, og segir hann þessa hækkun einungis hafa áhrif á lítinn hluta launþega og því megi álykta að kaupmáttur annarra launþega hafi verið meira en meðalkaupmáttur gefur til kynna.