Engin mótsögn hjá Samfylkingu

Ingibjörg Sólrún Gísladóttir, varaformaður Samfylkingarinnar, vísar því á bug að þversögn sé á milli afstöðu Samfylkingarinnar á Alþingi og innan R-listans í borgarstjórn Reykjavíkur. Halldór Ásgrímsson forsætisráðherra hélt því fram að formaður Samfylkingarinnar héldi einu fram á Alþingi en varaformaðurinn allt öðru í R-listanum."Talast þau ekki við?" spurði Halldór. Ingibjörg Sólrún sagði að það væri samstaða um að ríkið gerði upp og leiðrétti tekjuskiptingu á milli ríkis og sveitarfélaga. "Þetta er engin mótsögn, Halldór er bara að reyna að drepa málinu á dreif."