Reykjavíkurlistinn gagnrýndur

Margrét Sverrisdóttir, áheyrnarfulltrúi Frjálslynda flokksins í borgarráði, spurðist fyrir um það á fundi ráðsins í gær hvenær mætti vænta þess að fyrirhugaðar stjórnkerfisbreytingar yrðu kynntar fyrir borgarfulltrúum og starfsfólki borgarinnar. Hún sagði að í síðustu viku hefði birst á forsíðum dagblaða fréttir um að fyrirhugaðar væru stórfelldar breytingar á stjórnkerfinu, þar á meðal sameining íþrótta- og tómstundaráðs og menningarmálanefndar. Margrét gagnrýnir það að þessi áform hefðu ekki verið kynnt með eðlilegum hætti.