Innanlandsflug áfram í Reykjavík

Gert er ráð fyrir að Framsóknarmenn samþykki ályktun um höfuðborgarstefnu þar sem lagt er til að miðstöð innanlandsflugs verði áfram í Reykjavík. Í upphafi þings lá fyrir tillaga um að innanlandsflug til höfuðborgarsvæðisins yrði flutt til Keflavíkur. Í drögum að þeirri ályktun sem talið er að samþykkt verði er hvatt til að samgöngumiðstöð verði komið á hið fyrsta í Vatnsmýrinni með það að markmiði að styrkja enn frekar þá mikilvægu samgönguleið sem innanlandsflugið er.