Slegist á æfingu hjá Fiorentina

Tveir leikmenn ítalska liðins Fiorentina lentu í slagsmálum á æfingu í gærkvöldi. Gianni Giugou og Christian Rigano áttu eitthvað vantalað við hvorn annan og fóru að munnhöggvast á miðri æfingu sem endaði með því að Rigano fékk vænt högg í andlitið frá Guigou. Dino Zoff, knattspyrnustjóri Fiorentina, fann sig knúinn til að fara með tvímenninganna afsíðis í þeirri von um að ná fram sáttum. Samkvæmt talsmanni félagsins var ekki um stórmál að ræða. "Þetta getur gerst hjá hvaða félagi sem er og það er í raun magnað hversu samheldnir leikmenn Fiorentina eru í ljósi stöðu liðsins," sagði talsmaðurinn.