Auðun Georg fékk flest atkvæði

Auðun Georg Ólafsson hlaut fjögur atkvæði sjálfstæðis- og framsóknarmanna í Útvarpsráði í morgun þegar fjallað var um umsækjendur um stöðu fréttastjóra Útvarps. Bogi Ágústsson, yfirmaður fréttasviðs hjá Ríkisútvarpinu, hafði áður mælt með fjórum umsækjendum sem allir starfa í dag hjá stofnuninni en það gerir Auðun Georg ekki. Þrír fulltrúar stjórnarandstöðu í Útvarpsráði sátu hjá við atkvæðagreiðsluna. Nú fer málið í hendur útvarpsstjóra sem tekur ákvörðun um ráðningu þannig að björninn er ekki unninn hjá Auðuni þótt stuðningur Útvarpsráðs liggi fyrir.