Hálfleikstölur í Meistaradeildinni

Nú er kominn hálfleikur í leikina þrjá sem fram fara í Meistaradeild Evrópu í kvöld, en leikið er í átta liða úrslitum. Á Stadip Giuseppe Meazza í Milan er Manchester United í heimsókn hjá AC Milan og er staðan markalaus, 0-0. Milan sigraði fyrri leikinn 1-0 á Old Trafford. Mikil markaveisla er á Stade de Gerland í Frakklandi en þar tekur Lyon á móti Werder Bremen. Sylvain Wiltord kom Lyon yfir á níundu mínútu og Mickael Essien, sem er mjög eftirsóttur þessa dagana af stóru liðunum, skoraði tvö mörk á sautjándu mínútu og þeirri þrítugustu. Lyon vann fyrri leikinn 3-0 í þýskalandi og ekkert nema stórslys kemur þeim áfram í 8-liða úrslitin. Á Stamford Bridge er í gangi einhvern ótrúlegasti leikur síðari ára. Chelsea, sem þurfti á sigri að halda, var með pálman í höndunum eftir 19 mínútur eftir að Eiður Smári, Frank Lampard og Damien Duff höfðu komið þeim í 3-0, en Ronaldinho kom Barca aftur inní leikinn með tveimur mörkum og staðan því 3-2 í hálfleik. Barcelona vann fyrri leikinn 2-1 og er því spennan í hámarki núna.