Diskóhelgi á Búðum

Diskóveisla verður haldin um helgina á Hótel Búðum. Sett hefur verið saman dagskrá þar sem lögð er áhersla á góðan mat, nýstárlega skemmtun og að sjálfsögðu alvöru diskódansleik undir stjórn Dadda Disco. Umfram allt er fólki þó gefinn kostur á að haga helginni eftir sínu höfði. Þetta er í annað skiptið sem haldin er diskóhelgi á Hótel Búðum en síðast komust færri að en vildu.

Gisting tvær nætur með morgunverði og diskókvöldverður laugardagskvöld kostar 19.900 kr. á mann miðað við tvo í herbergi. Gisting laugardagsnótt með morgunverði og diskókvöldverð kostar 13.900 kr. á mann miðað við tvo í herbergi.

Fólk er hvatt til að grípa með sér hljóðfæri, fatnað og annan samkvæmisbúnað sem gæti komið að notum.