Dregið úr umsóknum í dag

Dregið verður úr umsóknum um 30 einbýlishúsalóðir við Lambasel í Breiðholti fyrir luktum dyrum hjá Sýslumanninum í Reykjavík klukkan fjögur í dag og fá umsækjendur og fjölmiðlar ekki að fylgjast með útdrættinum. Alls bárust 5700 umsóknir og verður dregið um þrjátíu vinningshafa og tuttugu til vara, ef einhver þeirra heltist úr lestinni, t.d. ef hann hefur ekki nægilega gott greiðslumat. Stefnt er að því að birta nöfn þeirra sem fengu lóðir á vef framkvæmdasviðs Reykjavíkurborgar í kvöld eða fyrramálið.