Gears Of War á PC
Leikurinn Gears Of War sem hannaður er sérstaklega fyrir Microsoft vélina Xbox 360 mun nú einnig sjá dagsins ljós á PC. Leikurinn mun samt mjög líklega ekki koma út samhliða Xbox 360 útgáfunni þar sem Microsoft vilja halda honum um tíma aðeins á Xbox 360 líkt og þeir gerðu með Halo. Gears Of War gerði mikinn usla á nýafstaðinni E3 sýningu enda mikill hasarskotleikur þar á ferð. Leikurinn er framleiddur af Epic sem eru þekktir fyrir vandaða og mjög sjónræna leiki.
