Rooney fær tveggja leikja bann

Táningurinn skapstirði Wayne Rooney hjá Manchester United, fær tveggja leikja bann í Meistaradeild Evrópu fyrir brottvísun sína í leiknum gegn Villareal á dögunum, þar sem hann fékk að líta sitt annað gula spjald fyrir kaldhæðnisleg mótmæli við dómara leiksins. "Wayne Rooney má ekki leika með Manchester United í tveimur næstu leikjum í Meistaradeildinni vegna brottvísunarinnar sem hann fékk gegn Villareal. Bannið er sett í ljósi þess að hann blótaði dómaranum líka þegar hann gekk af velli," sagði í tilkynningu frá Knattspyrnusambandi Evrópu síðdegis.