Fyrsta tap Juventus

AC Milan skellti Juventus, 3-1, í risaslag ítalska fótboltans í gærkvöldi en leikið var á San Siro í Milano. Clarence Seedorf, Kaka og Andrea Pirlo skoruðu fyrir Milan í fyrri hálfleik en David Trezeguet minnkaði muninn fyrir Juve stundarfjórðungi fyrir leikslok. Þetta var fyrsta tap Juve á tímabilinu en þeir höfðu unnið alla níu leiki sína fyrir leikinn.

Forysta Juve er nú aðeins tvö stig, Milan er í öðru sæti með 25 stig. Sampdoria og Inter gerðu 2-2 jafntefli í gær. Inter er í þriðja sæti með 19 stig.