Ekki allir ASÍ félagar fá eingreiðslu í desember

Þeir ASÍ félagar sem skipt hafa um vinnu á árinu fá aðeins hluta af tuttugu og sex þúsund króna eingreiðslu sem kveður á um í samkomulagi ASÍ og Samtaka atvinnulífsins. Hagfræðingur ASÍ segir að í samkomulaginu felist hlutir sem til framtíðar séð geti gefið félagsmönnum mikið.

Formenn aðildarsamtaka Alþýðusambands Íslands hafa ekki allir verið á eitt sáttir um samkomulagið sem ASÍ og Samtök atvinnulífsins gengu frá í vikunni. Þannig hefur því verið haldið fram að samningarnir séu of rýrir. Ólafur Darri Andrason, hagfræðingur hjá ASÍ, segir að í samkomulaginu felist verðmætir hlutir. Þeirra á meðal séu breytingar á atvinnutrygginarkerfinu og lífeyrisréttindum. Ólafur telur að þær breytingar komi til með að hafa áhrif til framtíðar fyrir félaga ASÍ.

Þessar breytingar jafni lífeyrissjóðsréttindi opinberra starfsmanna og starfsmanna á almennum markaði. Samkomulag vegna atvinnuleysisbóta sé verðmætt fyrir hópa ASÍ þar sem atvinnuöryggi er minna en hjá opinberum starfsmönnum. Í samkomulaginu er einnig kveðið á um að allir sem hafi verið í fullu starfi hjá fyrirtæki fái eingreiðslu upp á 26.000 kr. í dember á þessu ári. Starfsmaður sem skipti hins vegar um vinnu á árinu fær einungis hlutfall eingreiðslunnar sem miðast við þann tíma þegar hann hóf störf hjá nýja vinnuveitandanum. Greiðslan getur þó ekki farið undir 4.500 kr.

 

MYN

Þeir ASÍ félagar sem skipt hafa um vinnu á árinu fá aðeins hluta af tuttugu og sex þúsund króna eingreiðslu sem kveður á um í samkomulagi ASÍ og Samtaka atvinnulífsins. Hagfræðingur ASÍ segir að í samkomulaginu felist hlutir sem til framtíðar séð geti gefið félagsmönnum mikið. Formenn aðildarsamtaka Alþýðusambands Íslands hafa ekki allir verið á eitt sáttir um samkomulagið sem ASÍ og Samtök atvinnulífsins gengu frá í vikunni. Þannig hefur því verið haldið fram að samningarnir séu of rýrir. Ólafur Darri Andrason, hagfræðingur hjá ASÍ, segir að í samkomulaginu felist verðmætir hlutir. Þeirra á meðal séu breytingar á atvinnutrygginarkerfinu og lífeyrisréttindum. Ólafur telur að þær breytingar komi til með að hafa áhrif til framtíðar fyrir félaga ASÍ. Þessar breytingar jafni lífeyrissjóðsréttindi opinberra starfsmanna og starfsmanna á almennum markaði. Samkomulag vegna atvinnuleysisbóta sé verðmætt fyrir hópa ASÍ þar sem atvinnuöryggi er minna en hjá opinberum starfsmönnum. Í samkomulaginu er einnig kveðið á um að allir sem hafi verið í fullu starfi hjá fyrirtæki fái eingreiðslu upp á 26.000 kr. í dember á þessu ári. Starfsmaður sem skipti hins vegar um vinnu á árinu fær einungis hlutfall eingreiðslunnar sem miðast við þann tíma þegar hann hóf störf hjá nýja vinnuveitandanum. Greiðslan getur þó ekki farið undir 4.500 kr.