Bæjarstjórn Hafnarfjarðar samþykkti í dag að lækka álagningarprósentu fasteignaskatts á íbúðahúsnæði um 20 prósent, eða úr 0,335 prósentum í 0,27 prósent. Lóðarleiga og vatnsgjald lækka einnig. Þetta verður þó ekki til að álögur lækka heldur hækka þær ekki meira en sem nemur verðlagsþróun.
Lækkunin er tilkomin vegna mikillar hækkunar á fasteignamati sem hefði að óbreyttu leitt til þess að gjöld sem eru reiknuð út frá því hefðu hækkað verulega.
