Grótta lagði Fram

Kvennalið Gróttu lagði Fram á heimavelli sínum í kvöld 34-29 í DHL-deild kvenna í handbolta. Það var öðrum fremur Íris Björk Símonardóttir í marki Gróttu sem lagði grunninn að sigri liðsins með því að verja 31 skot í leiknum. Markahæst í liði Gróttu var Ivana Veljkovic með 10 mörk, en hjá Fram var það Annette Köbli sem skoraði mest, 12 mörk.

Í Vestmannaeyjum bar lið ÍBV sigurorð af Stjörnunni 24-23, Haukar unnu HK á útivelli 31-28, FH burstaði Víking 29-19 og Valur lagði KA/Þór fyrir norðan 30-23.

Valur og Haukar hafa 20 stig í efsta sæti deildarinnar en ÍBV hefur 19 stig í þriðja sætinu.