Jafnt hjá Chelsea og Barcelona í hálfleik

Nú er kominn hálfleikur í leikjunum fjórum í Meistaradeild Evrópu. Staðan er 0-0 í leik Chelsea og Barcelona á Stamford Bridge, en leikurinn hefur verið mjög fjörugur. Leikmenn Chelsea eru þó orðnir manni færri, því Asier del Horno var vikið af leikvelli á 37. mínútu eftir ljótt brot á Lionel Messi.

Ajax hefur 2-0 forystu gegn Inter Milan þar sem Huntelaar og Rosales skoruðu mörk heimamanna, Villareal hefur yfir 2-1 gegn Rangers í Glasgow með mörkum frá Riquelme og Forlan, en Lovenkrands skoraði mark Rangers. Loks hefur Werder Bremen yfir 1-0 gegn Juventus, þar sem Christian Schulz skoraði mark Bremen.