Marseille - Bolton í beinni í kvöld

Fótboltaveislan heldur áfram á Sýn í kvöld þegar síðari leikur Marseille og Bolton verður sýndur í beinni útsendingu, en liðin gerðu markalaust jafntefli á Reebok um daginn og því verður leikið til þrautar í kvöld.

Sam Allardyce, stjóri Bolton hefur átt við veikindi að stríða og fór ekki til Frakklands fyrr en í dag - en kollegi hans hjá franska liðinu mun missa af leiknum því hann er á sjúkrahúsi að jafna sig eftir að fjarlægðir voru úr honum gallsteinar.

Middlesbrough spilar síðari leik sinn við Stuttgart á heimavelli sínum, en þar hefur enska liðið 2-1 forskot úr fyrri leiknum. Þá verða Grétar Rafn Steinsson og félagar í AZ Alkmaar í eldlínunni þegar þeir mæta Real Betis frá Spáni.