Félagsmet hjá Dallas

Dallas setti í nótt félagsmet þegar liðið vann Memphis 97-87, en þetta var 13. sigurleikur liðsins í röð á heimavelli. Dirk Nowitzki skoraði 31 stig fyrir Dallas, en Pau Gasol og Bobby Jackson skoruðu 18 stig hvor fyrir Memphis.

Detroit lagði Indiana 88-83. Rasheed Wallace skoraði 28 stig fyrir Detroit, en Stephen Jackson skoraði 15 stig fyrir Indiana.

LA Lakers vann auðveldan sigur á Sacramento 106-85. Kobe Bryant skoraði 36 stig og gaf 10 stoðsendingar fyrir Lakers, en Mike Bibby skoraði 25 stig fyrir Sacramento.