Messi tekur við af mér

Knattspyrnugoðið Diego Maradona er ekki í vafa um að eftirmaður sinn í argentínska landsliðinu sé fundinn eftir að hann sá Lionel Messi fara á kostum með liði Barcelona gegn Chelsea í Meistaradeildinni.

"Ég er búinn að sjá manninn sem fyllir mitt skarð í argentínska landsliðinu og hann heitir Lionel Messi. Það er hrein unun að horfa á drenginn spila og hann er leikmaður að mínu skapi fyrir landsliðið. Hann er í algjörum sérflokki hvað varðar tækni og svo er hann leiðtogi líka," sagði Maradona um hinn 18 ára gamla Messi.