Aldrei verið eins stoltur af mínum mönnum

Alex McLeish var stoltur af sínum mönnum í gær þrátt fyrir að þeir hefðu fallið úr leik gegn sterku liði Villareal í Meistaradeildinni á mörkum skoruðum á útivelli. Leikurinn í gær endaði með jafntefli 1-1 á Spáni, en um tíma leit út fyrir að skoska liðið ætlaði að fara með sigur af hólmi.

"Ég hef aldrei verið eins stoltur af strákunum og í kvöld og þetta var líklega hápunkturinn hjá mér í starfi mínu hér hjá félaginu," sagði McLeish, en hann mun sem kunnugt er láta af störfum í sumar. "Við erum með ódýrasta liðið í þessari keppni, en höfum engu að síður staðið okkur betur en nokkur þorði að vona. Við höfum líka náð lengra en nokkuð annað skoskt lið í þessari keppni og við getum því borið höfuðið hátt eftir leikina tvo," sagði McLeish, sem bætti því við að hann ætlaði að taka sér gott frí þegar leiktíðinni líkur í vor.