Sharapova vill jafna verðlaunafé

Tenniskonan Maria Sharapova hefur nú bæst í hóp þeirra kvenna sem fara fram á það við alþjóða tennissambandið að verðlaunafé á mótum verði jafnað í karla- og kvennaflokki. Enn eru nokkur mót sem greiða körlunum hærra verðlaunafé en konunum og þar fer hið íhaldssama Wimbledon-mót fremst í flokki.

"Konur eru sterkar, áræðnar og kraftmiklar rétt eins og karlmenn og þær eiga sannarlega skilið að fá sama verðlaunafé fyrir sigur á mótum," sagði hinn þokkafulla Sharapova, sem er í þriðja sæti heimslistans. "Þessi deila hefur staðið yfir lengi og ég held að ef við höldum áfram að berjast fyrir jafnrétti, muni þessi mismunur heyra sögunni til fyrr en síðar."