Sjónvarpsþátturinn var farsi

Harry Redknapp segir að sjónvarpsþátturinn Panorama sem sýndur var í breska sjónvarpinu á dögunum hafi verið farsi frá upphafi til enda og segir ásakanir á hendur sér í þættinum algjöra vitleysu. Redknapp var sakaður um að hafa rætt ólöglega við leikmanninn Andy Todd á sínum tíma.

"Ég hef ekki minnstu hugmynd um hvað ég var að gera í þessum þætti þeirra. Hver sá sem sá þennan þátt sá að þetta var farsi og ég hef ekki gert nokkuð skapaðan hlut af mér - og ég ætla að halda mig við það að tala um fótbolta framvegis," sagði Redknapp eftir æfingu Portsmouth í dag.