Lætur blaðamenn heyra það

Sir Alex Ferguson er búinn að fá nóg af nornaveiðum fjölmiðla á Wayne Rooney og segir þá njóta þess að velta sér upp úr erfiðleikum hans á knattspyrnuvellinum.

"Þið eruð eflaust að bíða eftir því að ég segi ykkur að Wayne Rooney sé búinn að vera eða eitthvað á þá leið - og ég er viss um að þið eruð í rauninni að vonast eftir því að það gerist. Það yrðu góðar fyrirsagnir fyrir ykkur," sagði Ferguson reiður við blaðamenn í dag.

"Þið vitið það samt innst inni rétt eins og hver einasti varnarmaður í landinu að Rooney á eftir að rétta úr kútnum mjög fljótlega," sagði Ferguson.