Með annað augað á leiknum við Barcelona

Jose Mourinho viðurkenndi að hann hefði verið ánægður með sigurinn á Sheffield United í dag í ljósi þess að hann hefði gert nokkrar breytingar á liði sínu vegna leiksins við Barcelona í Meistaradeildinni í næstu viku.

"Þetta var mikilvægur sigur fyrir okkur því við gerðum nokkrar breytingar á liðinu og til að mynda var Shevchenko ekki með í dag. Við ákváðum líka að leyfa Makelele að hvíla í dag því hann er okkur svo mikilvægur fyrir leikinn á þriðjudaginn. Lið Sheffield gerði okkur erfitt fyrir í dag en við hefðum ef til vill átt að skora fleiri mörk og ég hugsa að menn hafi verið að reyna að spara sig aðeins fyrir átökin gegn Barcelona."