Benitez vill fara til Ítalíu

Breska dagblaðið Sun hefur það eftir umboðsmanni Rafa Benitez, knattspyrnustjóra Liverpool, að Rafa hafi mikinn áhuga á því að þjálfa á Ítalíu því knattspyrnan þar í landi henti hans leikstíl best.

"Stíll Benitez sem þjálfara er líkastur því sem gengur og gerist á Ítalíu og hann er klárlega einn af þremur bestu þjálfurum í heiminum. Ef svo færi að hann fengi freistandi tilboð frá Ítalíu, myndi hann sannarlega skoða það vandlega - og já, það gæti orðið til þess að hann færi frá Liverpool," sagði umboðsmaðurinn.