Í það minnsta 22 konur og börn týndu lífi í eldsvoða í brúðkaupsveislu í austanverðu Pakistan í gær, brúðurin þar á meðal.
Eldurinn kviknaði í tjaldi þar sem veislan var haldin en karlkyns gestirnir voru í öðru tjaldi, eins og siður er á þessum slóðum, og sakaði því ekki.
Um 30 slösuðust í eldinum og eru meiðsli sumra þeirra sögð alvarleg. Talið er að skammhlaup í rafmagni hafi valdið eldinum með þessum hræðilegu afleiðingum.
