Sjálfstraustið lykillinn að sigri

Jose Mourinho segir að sjálfstraust leikmanna sinna hafi verið það sem gerði útslagið í mögnuðum sigri Chelsea á Everton í dag þar sem liðið lenti tvívegis undir á útvelli áður en það tryggði sér 3-2 sigur með glæsimarki Didier Drogba.

"Hlutirnir hafa ekki alveg verið að falla með okkur undanfarið og ég sagði strákunum að þetta væri bara spurning um að þeir hefðu trú á sjálfum sér. Flestir leikmenn hefðu líklega gefist upp eftir að lenda tvisvar undir, en mínir menn börðust frá á síðustu mínútu og hirtu stigin," sagði Mourinho en hans menn minnkuðu forskot Manchester United í tvö stig á toppi deildarinnar í kvöld.